23-ئۆكتەبىر كۈنى، مىكروسوفت شىركىتى كېلەر ئىككى يىل ئىچىدە ئاۋسترالىيەگە 5 مىليارد دوللار مەبلەغ سېلىپ، بۇلۇت ھېسابلاش ۋە سۈنئىي ئەقىل ئۇل ئەسلىھەلىرىنى كېڭەيتىدىغانلىقىنى ئېلان قىلدى. بۇ شىركەتنىڭ 40 يىلدىن بۇيانقى ئەڭ چوڭ مەبلەغ سېلىشى دېيىلىدۇ. بۇ مەبلەغ سېلىش مىكروسوفت شىركىتىنىڭ سانلىق مەلۇمات مەركەزلىرىنى 20 دىن 29 گە كۆپەيتىشىگە ياردەم بېرىدۇ، بۇنىڭ ئىچىدە كانبېررا، سىدنېي ۋە مېلبۇرن قاتارلىق شەھەرلەرنى ئۆز ئىچىگە ئالىدۇ، بۇ %45 ئېشىشنى كۆرسىتىدۇ. مىكروسوفت شىركىتى ئاۋسترالىيەدىكى ھېسابلاش كۈچىنى %250 ئاشۇرۇپ، دۇنيادىكى 13-چوڭ ئىقتىسادنىڭ بۇلۇت ھېسابلاشقا بولغان ئېھتىياجىنى قاندۇرىدىغانلىقىنى ئېيتتى. بۇنىڭدىن باشقا، مىكروسوفت شىركىتى يېڭى جەنۇبىي ۋېلىش شىتاتى بىلەن ھەمكارلىشىپ ئاۋسترالىيەدە مىكروسوفت سانلىق مەلۇمات مەركىزى ئاكادېمىيىسى قۇرۇپ، ئاۋسترالىيەلىكلەرنىڭ «رەقەملىك ئىقتىسادتا مۇۋەپپەقىيەت قازىنىشى» ئۈچۈن لازىملىق ماھارەتلەرگە ئېرىشىشىگە ياردەم بېرىدۇ. شۇنداقلا، ئۇ ئاۋسترالىيەنىڭ تور بىخەتەرلىكى ئورگىنى بولغان ئاۋسترالىيە سىگنال باشقۇرۇش ئىدارىسى بىلەن تور تەھدىتى ئۇچۇرلىرىنى ئورتاقلىشىش كېلىشىمىنى كېڭەيتتى.