მარკ გურმანი იუწყება, რომ Apple მზადაა წარმოადგინოს შემდეგი თაობის M4 პროცესორი, რომელსაც ექნება მინიმუმ სამი ძირითადი ვერსია Mac-ის ყველა მოდელის განახლებისთვის.

გავრცელებული ინფორმაციით, Apple წლის ბოლოდან მომავალი წლის დასაწყისამდე M4 პროცესორით ახალი Mac-ების გამოშვებას გეგმავს, მათ შორის ახალი iMac-ის, დაბალი კლასის 14 დიუმიანი MacBook Pro-ს.მაღალი კლასის 14 და 16 დიუმიანი MacBook Pro და Mac mini.

2025 წელი ასევე მეტ M4 Mac-ს მოიტანს: გაზაფხულის განახლებებს 13 და 15 დიუმიან MacBook Air-ზე, წლის შუა პერიოდის განახლებებს Mac Studio-ზე და მოგვიანებით განახლებებს Mac Pro-ზე.

პროცესორების M4 სერია მოიცავს საწყისი დონის ვერსიას (კოდური სახელწოდებით Donna) და სულ მცირე ორ უფრო მაღალი წარმადობის ვერსიას (კოდური სახელწოდებით Brava და Hidra).და Apple-ი ხაზს გაუსვამს ამ პროცესორების შესაძლებლობებს ხელოვნური ინტელექტის სფეროში და იმას, თუ როგორ ინტეგრირდებიან ისინი macOS-ის შემდეგ ვერსიასთან.

განახლების ფარგლებში, Apple განიხილავს მისი უმაღლესი კლასის Mac დესკტოპ კომპიუტერებისთვის 512 GB ოპერატიული მეხსიერების მხარდაჭერას, Mac Studio-სა და Mac Pro-სთვის ამჟამად ხელმისაწვდომი 192 GB-ის ნაცვლად.

გურმანმა ასევე ახსენა ახალი Mac Studio, რომელსაც Apple ტესტირებს ჯერ კიდევ გამოსული M3 სერიის პროცესორისა და განახლებული M4 Brava პროცესორის ვერსიებით.